Cebu City – Gisikop sa mga agents sa National Bureau of Investigation (NBI)-Mandaue District Office ang usa ka lalake nga nangangkong nanag-iya sa government-owned lots, lakip na ang mangrove area sa Barangay Paknaan, syudad sa Mandaue.
Ang suspek giila nga usa ka Raul Canoy, kinsa gipasanginlan nga nakalapas sa Presidential Decree 705 (Forestry Reform Code of the Philippines) ug Republic Act 8550 (Philippine Fisheries Code of 1998) partikular na ang Illegal Conversion of Mangroves, and Aquatic Pollution.
Niadtong Miyerkules, Abril 6, 2022, mipakita si Canoy uban sa iyang abogado, aron pagpatin-aw sa alegasyon ug pag abag sa imbestigasyon.
Gibutyag ni Arnel Pura, officer-in-charge sa NBI-Mandaue District nga mi presenta si Canoy ug dokumento, Tax Declaration No. 19707 ubos sa pangan sa usa ka Socorro Bitoon, nga giingong gi issue sa Mandaue City Assessors Office.
Matod ni Pura nga ng maong dokumento proof of ownership sa iyang mother-in-law, Bitoon, labot sa property nga gi-angkon sa suspek nga siya ang nag representa.
“Unknown to him, this questionable document, together with other public documents, had been previously verified by this command to be falsified and spurious,” pamahayag sa NBI.
Basi niini, sigon pa ni Pura nga ang act sa pag presenta sa “alleged forged document was an act of crime committed in their presence”, hinungdan nga maoy basehan sa “immediate warrantless arrest in the presence of his counsel”.
Ang mga dokumento nga iyang gi presenta nakuha gikan sa iyang possession, ug ubang public documents atol sa iyang pagka sikop.
Gisusi sab ni Atty Julius Cesar Entise, acting City Assesor ug iyang assistant Assesor Richard Flores, kinsa mibutyag nga ang dokumento nga gi presenta ni Canoy dili genuine o authentic.
Sa press conference pagka Huwebes, Abril 7, diha sila si Atty Jamaal James Calipayan, Mandaue City Administrator, kinsa miangkon nga mi request sila sa maong imbestigasyon.
Nagkanayon si Calipayan nga gisugdan ni niadtong tuig 2017 sa dihang mitumaw ang giingong illegal reclamation sa Barangay Paknaan.
“This is particularly the issue. Ang nahitabo ago, nigawas to siya, paspas kaayo ang pag-reclaim diha sa area, in fact nangamatay to ang daghan kaayo na mga mangroves. It was 2017, 2018 and even first part of 2019,” saysay ni Calipayan.
Dugang niini nga pagka 2019 sa dihang nasayran nila nga ang alleged illegal reclamation nagpadayon ug gani giingong gipamaligya ang properties sa area nga ilang gi-angkon.
“Naay mga inosente nga mga biktima, mga maestra, naa man gani police nga nakapalit, nailad niini,” pahibaw ni Calipayan.
Sukad niadto, suma pa ni Calipayan nga ang city legal nagsugod na ug hipos ug mga ebidensya ug nagpakitabang sa NBI national headquarters niadtong Oktubre 2019, partikular na sa environmental crimes division.
Dugang niini nga ang reclaimed areas dul-an sa 11 ka hektarya ug environmental department sa goberno, matod pa, mipahibaw nga wala kini permit gikan sa Philippine Reclamation Authority.
“After that, we also prepared complaints of illegal conversion of mangroves, and aquatic pollution and sige tag collect og ebidensya, naabtan ta og COVID,” dugang saysay ni Calipayan.
Bisan pa niini, matod pa, nag padayon ang internal investigation.
Sa iyang bahin, ang chief of staff ni Mandaue City Mayor Jonas Cortes, Atty Eddu Ibanez mipadayag nga sa pagka karon ilang sutaon ang posibilidad nga dunay mastermind nga nagpaluyo ning butanga. (Jhon Tadlip)
(News & photo courtesy of NBI- Mandaue District)