Patay nang nahidangat sa tambalan ang biktimang naaksidente didto sa dalang nasyunal Brgy. Communal, lungsod sa Liloy, Zamboanga del Norte.
Sa pag imbisitiga ni PCMS Rene Boy Bendong, gilangkubansa Nissan Navarra 2019 model gimaneho ni Jackie Limbaga, negosyante kauban niya si Carissa Limbaga, pareha silang residente sa Brgy. Causwagan, Liloy.
Samtang lain pang Isuzu Elf 10-wheeler cargo naka rehistro sa AML trucking gimaneho ni Arnold Bueno, taga Brgy. Quitabog, Titay, Zamboanga Sibugay uban ang pahinante nga sila si Bobby Tano, Dodong Retilla ug Toto Bonocan, pulos taga Kalawit, ZDN.
Kining duh aka sakyanan naglawig sa managsamang direksyon gikan sa Liloy padulong sa Tampilisan. Pag abot sa lugar nahitaboan misulay ug overtake ang ELF apan aksidenteng gi ungad ang sampot sa pick-up hinungdan nga nawad-an sila ug kontrol ug parehong mibangga sa Pine Tree.
Bali ug pangos ang naangkon sa mga sakay ug walay swerte si Toto Bonocan kay wala nakaabot nga buhi sa ospital. (Rigin Rusiana)
