Nagpahigayon og Information, Education and Communication o IEC lecture ang Dapitan City Police Station bahin sa crime prevention atol sa selebrasyon sa ika-52 nga Araw sa Barangay Hilltop sa Dapitan City.
Gipangunahan ni PSSg Manuel A. Projo III ang maong kalihokan diin gihisgutan usab ang Anti-Bullying Act ug Safe Spaces Act aron mapalig-on ang kahibalo sa mga residente sa pagmintinar sa luwas, malinawon ug matinahuron nga komunidad.
Gipasabot sa kapulisan ang kamahinungdanon sa aktibong partisipasyon sa publiko sa pagpugong sa krimen ug sa pagpanalipod sa matag miyembro sa komunidad batok sa bullying ug uban pang matang sa pang-abuso.
Sumala sa Dapitan City Police Station, kabahin ang maong lecture sa ilang padayon nga kampanya sa pag-edukar sa katawhan ug pagpalig-on sa panagtambayayong tali sa kapulisan ug komunidad alang sa kalinaw ug kahapsay.(JENIFFER JR. DELICA)
Source: PNP Dapitan City Police Station