Gipadayag ni Cebu Governor Pamela S. Baricuatro ang iyang suporta sa mga batan-ong atleta human niya matuman ang iyang saad nga hatagan og cash incentives ang mga Batang Pinoy medalists sa probinsya.
Gihimo ang turnover sa Capitol niadtong Huwebes, diin personal nga gihatagan og pahalipay sa gobernador ang mga atleta nga nagdala og dungog sa Cebu gikan sa Batang Pinoy national sporting event niadtong Oktubre 2025.
Gipakita sa mga medalista ang ilang kahanas sa lain-laing martial arts events atol sa usa ka semana nga kompetisyon, nga ilang gisalmotan isip representante sa probinsya.
Pito ka atleta ang nakadawat og insentibo, diin ang nakakuha og bulawan nga medalya nakadawat og ₱20,000, samtang ang mga bronze medalists nakadawat og ₱10,000 matag usa.
Sa iyang mensahe, nahinumduman ni Gob. Baricuatro ang iyang saad sa mga atleta.
Sumala sa kapitolyo, ang paghatag og insentibo usa ka paagi sa pagdasig ug pagpalambo sa talento sa kabatan-onan sa Cebu, ingon man pag-ila sa ilang kakugi ug dedikasyon sa sports.
Source: Cebu Province PIO
I via Renante Socia Lada