Cebu City – Mitingog na si Cebu Governor Gwendolyn Garcia labot sa land dispute nga naglambigit sa Kapitolyo ug sa Eversley Child Sanitarium sa Jagobiao, Syudad sa Mandaue.
Gibarugan ni Garcia nga ang provincial government maoy rightful owner sa 25 hektarya nga luna sa Jagobiao, diin nahimutang ang Eversley.
Sa press conference pagka Hwebes, Septembre 22, gi depensahan ni Garcia ang ilang desisyon pag issue ug Notice to Vacate ngadto sa Eversley Child Sanitarium.
“Why am I fighting for this? Well. there is clear evidence that (the property belongs to Cebu Province..Di na ako, sa probinsya na (It is not mine. That belongs the province),” pasabot ni Garcia.
Pero kung ang concerned parties mo desisyon sa pagpabillin sa luna, matod pa ni Garcia nga ang probinsya mi request kanila nga i ‘recognize ug i legitimize’ ang ilang (Kapitolyo) ownership.
Gani, ang gobernador mitanyag nga molagda ug kasabutan nga Usufruct isip compromise.
“We are willing to legitimize your stay.. we can enter into usufrunt agreement,” tanyag ni Garcia.
Ang usufruct mao ang kasabutan nga maghatag ug katungod sa pag gamit sa property sa laing party ug dunay obligasyon sa nag gamit nga i preserve ang form ug substance.
Ang tanyag nga usufruct nagpasabot nga ipa gamit sa Kapitolyo ang luna ngadto sa nahisgutang nag okupa, sa partikular nga gidugayon.
Basehan
Sa briefing niadtong Martes,gi presenta ni Garcia ang orginal nga dokumento isip proof nga ang probinsya maoy nanag-iya sa luna. Kini naglakip sa deed of donation ug deed of acceptance pinitsahan niadtong tuig 1930.
Mikuyog sa gobernador ang ubang nga opisyal sa Kapitolyo kinsa nagkanayon nga ang donation nahitabo ubos sa administrasyon ni anhing Governor Mariano Jesus Cuenco.
Si anhing Cebu Bishop Msgr. Juan Gorordo, nga maoy mibarug sa lugar ni Roman Catholic Church, kinsa mihatag sa nahisgutang property ngadto sa kagamhanan sa lalawigan sa Sugbo.
Dugang pa nga ang Provincial Board kaniadto mi issue sab ug resolution pag recognize sa deed of acceptance ug deed of donation sa transaksyon. (Jhon Tadlip)
(News & photo courtesy of Cebu Provincial Capitol)