27.3 C
Manila
Friday, October 7, 2022

Zamboanga: Un mil ciento noventa’y dos maga pescador y corn farmers ya recivi fuel subsidy

- Advertisement -

Fuel discount cards balor de tres mil de pesos el ya distribuji el Department of Agriculture-9 y Bureau of Fisheries and Aquatic Resources -9 na un mil ciento noventa’y dos maga pescador y corn farmers aqui na ciudad de Zamboanga porcausa na subida del presyo del krudo y gasolina aqui na ciudad. El mencionao caravan del distribujida del maga fuel discount cards un coloaborasyon con el City Agriculturists Office huntu con el Universal Storefront Services Corporation (USSC) money services. Ya conduci este del Martes,Septiembre 20,2022 na Joaquin Enriquez Memorial Sports Complex na barangay Baliwasan.

Visit RPN DXXX Zamboanga

Presente tambien durante el caravan el Alcalde John Dalipe y ya rindi este gracias con el Department of Agriculture y BFAR-9 por el di estos asistensiya na maga pescador y siyembrador de maga mais aqui na ciudad. Ya rindi tambien gracias el alcalde con el City Agriculturists Office por el di estos facilitada na identipicasyon del maga benepisyaryo que este fuel subsidy un grande ayuda para con estos. El City Agriculturists Carmencita Sanchez ya abla que el mencionao programa designao para mitiga con el impact del subida del presyo del krudo y gasolina espesyalmente con aquelyos maga tan operate agricultural and fishery machineries.

Na total numero de un mil ciento noventa’y dos maga benepisyaryo, Un mil noventay cinco el maga pescador y noventa’y siete el maga corn farmers. El maga benepisyaryo nesecita visita con el maga partner gasoline stations del gobyerno local para puwede benepisya con el fuel subsidy. (Cristine Falcasantos, photo courtesy from City Government of Zamboanga Facebook page)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -