Nasakmit sa kapulisan ug PDEA-7 ang mga ginadilong drugas sa usa ka tawo na walay trabaho.
Didto kini sa Purok 1 sa Barangay Totolan, Lungsod sa Dauis, Bohol, kagahapong adlawa, Nobiyembre 15, 2024.
Ang suspetsado giila sa kapulisan nga mao si Vicente Sarno, 41-anyos minyo alyas “Inting” lumad nga taga Brgy. Bahi sa lungsod sa Alburquerque, Bohol, ug kasamtangan nga nagpuyo s amaong lugar.
Mga binultong shabu ang nakuha sa posisyon ni Sarno nga adunay timbang nga 350 gramos ug standard drug value nga P9,180,000.00.
Sa pagkakaron ang mga sakop sa Provincial Drug Enforcement Unit padayon pa nga nagsusi kung si kinsa ang tig supply og ginadiling drugas sa dinakpan, samtang giandam na usab ang kasong kalapasan sa RA 9165 kon Comprehensive Dangerous Drugs Act of 2002. (Renante Socia Lada)