Nikalas og usa ka kinabuhi ang nahitabong aksidenti sa minahan didto sa Purok Santol, Barangay Uling, siyudad sa Naga pasado alas 6;00 sa buntag, Nobiyembre 15, 2024.
Ang bitima giila sa Naga City Police Station na mao si Robert Abalorio, 27 anyos ang panuigon, taga Barangay Uling, Dakbayan sa Naga, Sugbo.
Naangol usab ang kauban niini nga naila sa pangalan nga Fernando, hingkod ang panuigon.
Sa imbestigasyon nasayran nga usa ka small scale coalmine ang naglihok sa maong lugar na aksidenting nangatagak ang mga bato na adunay mga tawo sa sulod niini.
Sa pagkakaron gipahunong lang usa ang ilang trabaho samtang gihimo pa ang dugang imbestigasyon kalabot sa maong aksidenti nga nikutlo og kinabuhi. (Renante Socia Lada)