Cebu City – Mokabat ug kapin sa 700 ka mga medical frontliners gikan sa 22 ka mga medical facilities sa Syudad sa Sugbo ang nataptan sa Coronavirus disease (Covid-19) sa miaging duha ka semana.
Sagad sa mga na infected nga mga healthcare workers asymptomatic, duna lay pipila nga nagpakita ug mild symptoms.
Gibutyag kini ni Cebu City Councilor Joel Garganera, deputy chief implementer sa City Emergency Operations Center (EOC).
Kuhaon pa ni Garganera ug exact data sa Covid-positive medical frontliners nga nagtrabaho sa Syudad sa Sugbo ug residente sa Sugbo nga nag trabaho sa ubang hospital sa ubang silingan nga syudad ug munisipalidad.
Giangkon ni Garganera nga naka apekto kini sa operations sa mga tambalanan sa Sugbo.
“Maka-apektar gyud (It can really affect). The number of beds available will depend on the number of medical frontliners tasked to oversee its operation,” matod sa opisyal.
Gipahibaw sab ni Garganera nga pulos nabakunahan ug na boosteran na ang mga nag Covid-19 positive.
Sa Syudad sa Sugbo lang, miabot na ug 60.81 percent ang critical occupancy rate as of Enero 27; kini human ang 391 sa kinatibuk-ang 643 beds alang sa Covid-19, okupado na.
Basi sa classification sa Department of Health, ang Syudad sa Sugbo naa pa gihapon sa moderate risk sa occupancy rate sa Enero 27.
Ang moderate classification nagpasabot kini nga gikan sa 60 porsento ngadto sa dili motaas sa 70 porsento nga occupancy rate.
Nagka ubos nga mga kaso
Bisan sa pag menus sa gidaghanon sa inadlaw nga mga kaso sa syudad, alang ni Garganera nga sayo pa kaayo mo ingon nga padung na kining mo us us.
“We don’t want to give false news to the constituents because complacency is our enemy. We want to continually monitor it for another week. By then, we will get to see a clearer picture of our status,” matod ni Garganera.
“A week or two, then we can perhaps more or less see the trend that will qualify us to deescalate to Level 2,” dugang niini.
Ang Syudad sa Sugbo ug ang tibook Central Visayas gipa ubos sa Alert Level 3 status hangtud sa Pebrero 15.
l via Jhon Tadlip
Source/Photo: Emergency Operations Center- Cebu City