LAING Kuyamis beauties na usab ang mobandera sa pangalan sa lalawigan sa Misamis Oriental human misalmot sa usa ka indigay sa kaanyag nga pagabuhataon sa dakbayan sa Sugbu nga mao ang Hiyas ng Pilipinas.
Si Sheena Balansag, nga kanhi Miss Kuyamis 2020 second runner up, lumad taga Balingasag maoy modala sa pangalan sa lalawigan sa nasangpit nga beauty pageant.
35 ka mga aspiring nga mga kandidata ang musalmot sa maong indigay karong umalabot Marso 27, 2022 sa Pacific Grand Ballroom, Waterfront Cebu City Hotel and Casino.
Tulo ka mga titulo ug korona ang mamahimong makuha sa mga mananaog nga kandidata nga mao ang Miss Elite World Philippines 2022, Miss Tourism World Philippines 2022, ug Miss Tourism Queen International Philippines 2022.
Suportado sa lalawigan hilabina ni Gobernador Bambi Emano ug pwersa sa Provincial Tourism Office ang pagsalmot ni Balansag pinaagi sa padayon nga pagpromotar niini. (Provincial Tourism Office)