Kapin sa 1,000 ka habal-habal drivers gikan sa mga lungsod sa Argao, Santander, ug Samboan sa ikaduhang distrito sa Sugbo ang nakadawat og tag ₱3,000 nga fuel subsidy gikan sa kagamhanan sa Probinsya sa Cebu.
Sumala sa Provincial Government, ang maong ayuda gitumong aron makatabang sa mga drayber batok sa pagsaka sa presyo sa gasolina ug aron mapadayon nila ang ilang adlaw-adlaw nga pasada ug serbisyo sa komunidad.
Padayon gihapon ang distribusyon sa fuel subsidy sa ubang lungsod sa probinsya. Karong Mayo 14, ipadayon ang paghatag sa ayuda sa mga habal-habal drivers sa Malabuyoc, Alegria, Badian, ug Moalboal sa ikapitong distrito sa Sugbo.
Ang maong programa kabahin sa paningkamot sa Probinsya sa Cebu sa pagtabang sa mga drayber nga naapektuhan sa taas nga presyo sa krudo.
Source: Cebu Province PIO
I via Renante Socia Lada