Cebu: Kanhi piniriso nakuhaan og kapin sa P7M nga balor sa ginadiling drugas

0
9

Nagmalampuson ang gihimo nga buy-bust operation sa mga sakop sa Lapu-Lapu City Police Office ug Philippine Drug Enforcement Agency (PDEA-7) batok sa usa ka ex-convict.

Pasado alas 7:00 kagabii, Marso 29,2023, gipahigayon ang buy-bust operation, didto sa Sitio Seabreeze, Barangay Pusok, Siyudad sa Lapu-Lapu.

Ang nasikop giila nga si Ramelo Carungay Aguitong, AKA, Ramil, may kaipon, residenti sa Sitio Camansi, Barangay Pajo, sa mao ra nga Dakbayan.

Mga binultong shabu ang nakuha sa position sa suspetsado nga adunay timbang nga kapin sa kilo ug street value nga P7.1 milyon.

Si Police Major Joey Bicoy, hepe sa City Drug Enforcement Unit (CDEU-LLCPO), maoy nangulo sa maong operation.

Diin matud pa nga si Aguitong nadakpan niadtong tuig 2014 ug naka gawas pagka 2019 human naka pahimulos sa plea bargaining.

Sa pagkakaron gisuta pa sa kapulisan kung si kinsa ang tig supply sa ginadiling drugas sa dinakpan ug giandam na usab ang tukmang kaso niini.

Photo credits: LLCPO

via Renante Lada

Leave a Reply