Ang ngalan ni kanhi Mandaue City Mayor Jonas Cortes opisyal nang naapil sa listahan sa mga kandidato alang sa umaabot nga eleksiyon karong Mayo 12, 2025. Kini human mag-isyu ang Korte Suprema og temporary restraining order (TRO), nga nagbabag sa Commission on Elections (COMELEC) sa pag-kanselar sa iyang certificate of candidacy (COC).
Niadtong Disyembre 2024, ang COMELEC Second Division nagdesisyon sa pag-kanselar sa COC ni Cortes tungod sa alegasyon nga material misrepresentation. Kini nga desisyon giuyonan sa COMELEC en banc, nga nagmando nga dili siya makaapil sa eleksiyon.
Karong bulana Enero 20, 2025, ang Korte Suprema nagmando sa pag-issue og TRO aron mapugngan ang COMELEC sa pagpatuman sa diskwalipikasyon. Ang TRO usab nagmando nga apil ang ngalan ni Cortes sa opisyal nga balota.
Ang COMELEC magsugod sa pag-imprenta sa opisyal nga balota karong Enero 27, 2025. Kini ang maong balota nga gigamit alang sa eleksiyon karong Mayo 12, 2025.
Si Cortes nga modagan sa umaabot nga eleksiyon ag-awhag siya sa iyang mga supporters nga magpabilin nga positibo ug mag-ampo alang sa kamatuoran ug hustisya.
Bisan pa sa mga hagit nga iyang giatubang, si Jonas Cortes nagpadayon sa iyang misyon sa pagrepresentar ug pagserbisyo sa katawhan sa Mandaue City. (Renante Socia Lada)