Nunot niining National Women’s Month Celebration ang Department of Social Welfare Services (DSWS) sa dakbayan sa Sugbo adunay programa na maghatag og free education ug livelihood trainings para sa mga biktima sa pagpangabuso.
Nikabat sa 56 wards sa DSWS’s Sta. Rita de Cascia for Women and Children’s Center (SRDCWCC) ang nakadawat og free college, high school, ug elementary studies gikan sa kagamhanan sa siyudad sa Sugbo.
“Gina-encourage sab sa amoa nga dapat mopadayon gyud sila og skwela kay wala man gud ta kabalo ig gawas nila kung asa sila padulong,” matod ni Seno, SRDCWCC head.
Ang SRDCWCC muhatag usab kini og psychosocial therapy ug medical assistance.
“Ang requirements gyud before makasulod sa amoa is referral letter from the DSWS through social worker, then case summary, NSO or live birth sa bata, and also psychological and physical exam results,” dugang ni Seno.
Ang SRDCWCC natukod niadtong Sept. 19, 2020 aron pagtabang sa mga kababayen-an ug kabataan na biktima sa pagpangabuso.
(Renante Socia Lada, photo courtesy by Cebu City PIO)
