Misalmot ang Cebu City Government sa Project Mango Shake Workshop niadtong milabay nga adlaw aron makatabang sa pagpalambo sa turismo sa Sugbo. Gitambongan kini sa mga opisyal sa gobyerno, mga lider sa turismo, ug mga negosyante.
Ang Project Mango Shake usa ka programa nga nagtumong sa paghimo og usa ka lig-on nga ngalan o imahe sa Sugbo aron mas mailhan kini sa mga turista dinhi ug sa ubang nasod. Gusto sa mga partisipante nga ipakita ang kultura, kasaysayan, ug mga nindot nga lugar sa Sugbo.
Miapil sa workshop ang mga representante sa Cebu City Tourism Office ug mga Tourism Commissioner. Nakigpulong usab sila sa ubang ahensya ug mga organisasyon aron magtinabangay sa pagpauswag sa turismo.
Sumala sa Cebu City Government, ang panaghiusa sa gobyerno ug pribadong sektor makatabang sa pagdani og daghang turista, mamuhunan, ug makahatag og dugang trabaho alang sa mga Sugboanon.
I via Renante Socia Lada