Gibutyag ni Cebu City Raymond Alvin Garcia nga sugod sunod tuig, aduna nay P100,000 nga insurance ang mga barangay-based fire sa dakbayan sa Sugbo, gawas pa sa P20,000 kung maospital.
Gipasalig kana sa Mayor sa 654 ka mga barangay-based fire responders nga nagkatapok kagahapomg adlawa, Nobiyembre 26, 2024, sa Cebu City Sports Center badminton court building alang sa ilang general assembly.
Ang maong benepisyo dugang sa nahimong P5,000 gikan sa P3,000 nga ilang honorarium matag usa gikan sa Kagamhanan sa Dakbayan sa Sugbo ilawom sa pagdumala ni Mayor Garcia.
“Gusto nako nga taas ang moral ninyo maong naningkamot gyud ko kutob sa mahimo nga mahatag ang inyong gikinahanglan. Kay dili ko gusto nga masubli ang nahitabo sa upat ka ka mga empleyado nga wala masweldohi og 10 ka buwan,” pulong niya.
Ang gipasabot ni Mayor Garcia mao ang upat ka mga empleyado sa City Assessor’s Office nga wala masweldohi panahon sa administrasyon ni kanhi mayor Michael Rama, nga kansang reklamo sa Ombudsman maoy hinungdan nga nasuspenso ug unom ka buwan si kanhi mayor Rama, kanhi city administrator Collin Rosell, asawa ni Rosell nga si Theresa, ug laing lima pa ka mga opisyal sa City Hall.
Kaganiha, ang mga nanambong sa general assymbly nakadawat sab og taglima ka kilos nga bugas isip sayo nga pinaskohan gikan kang Mayor Garcia
Dako ang pasalamat sa mayor ngadto kanila kay nakita niya ang ilang pagsakripisyo sa pagserbisyo sa katawhan sa dakbayan sa Sugbo, ilabi na gyud panahon nga dunay mga kalamidad.
Gawas sa maor, nitambong usab sa kalihokan sila si Konsehal Joel Garganera ug Retired Fire General Aderson Comar, nga maoy labaw sa Cebu City Disaster Risk Reduction and Management Office abaw sa Disaster Office.
Source: Cebu City PIO
I via Renante Socia Lada
#rpndykccebu
#675hzamband
#mrpublicservice