Cebu: Isla sa Camotes gibisita atol sa Suroy-Suroy sa Sugbo

0
5

Gihangop ug gikalipay sa mga tawo sa Isla sa Camotes ang Suroy-Suroy sa Sugbo program, diin gibisita na usab sila sa mga opisyalis sa Probinsya sa Sugbo ug sa nasud.

Kagahapong adlawa, Abril 15, 2023, didto sa Isla sa Camotes nibisita sila si Gobernador Gwen Garcia, Senator Robin Padilla, Tourism Secretary Christina Frasco, Deputy Speaker Duke Frasco ug mga opisyalis sa Probinsya sa Sugbo.

Ang lungsod sa Pilar maoy unang lungsod nga gibisita ug gisundan kini sa lungsod sa San Francisco diin mga nagkadaiyang maanindot nga talan-awon ang nakita sa mga besita.

Gawas ana ila usab gibisita ang Lake Danao, sa lungsod sa San Francisco diin usa kini ka tourist attraction sa maong isla tungod sa kaanidot sa maong Lake nga adunay gidak-on nga 600- hectare.

Aduna puy mga pasundayag nga ilang gihimo isip paglingaw sa mga tawo sa maong Isla.

Si Senator Robin Padilla nisaad og P30 milyon nga tabang para development project sa lungsod sa Pilar.

Gawas ana ang Gobernador ug si Tourism Secretary aduna puy mga nindot nga plano para sa Isla sa Camotes labi na pagkabig sa mga turista nga mobisita sa ilang lugar.

Gilauman nga suruyon usab ang ubang mga lugar sa probinsya sa Sugbo isip kabahin sa programang Suroy-Suroy sa Sugbo. (Renante Lada, photo courtesy of Sugbo News/PIO)

Leave a Reply