Naghimo og final coordination meeting ang lokal nga kagamhanan isip pagpangandam sa IRONMAN 2026, nga pagahimuon karong Domingo, Hulyo 9. Si Mayor Cindi Chan, isip host city mayor, mitambong sa maong panagtigom aron masiguro ang hapsay nga dagan sa kalihokan.
Sumala pa sa CT-TODA, dili tugotan ang mga trak nga mosulod sa South Road Properties (SRP), Cebu City, gikan alas 5:00 sa buntag hangtod alas 12:00 sa udto. Ang maong lakang aron hatagan og luna ang ruta sa lumba sa biseklita.
Gitugotan gihapon ang mga gagmayng sakyanan nga moagi sa Coastal Road padulong sa SRP pinaagi sa El Pardo aron malikayan ang grabeng kahuot sa trapiko.
Gilauman nga motambong sa IRONMAN 2026 ang hapit 1,000 ka langyawng triathlete gikan sa 48 ka nasod, uban sa kapin 500 ka Pilipino nga partisipante, nga nagpakita sa dako nga internasyonal nga suporta sa maong sporting event.
I via Renante Socia Lada