Nagtingkagol karon sa prisohan sa Mandaue City Police Office ang usa ka langyaw nga adunay sex video sa iyang kanhi uyab.
Marso 30,2023 nasikop ang suspetsado didto sa usa ka motel nga nahimutang sa Barangay Tipolo, Siyudad sa Mandaue.
Ang suspetsado mao si Suraj Kumar AKA Jolibar, 28 anyos ang panuigon, nagpuyo sa Barangay Mactan, Dakbayan sa Lapu-Lapu.
Usa ka 21 anyos nga babaye ang nagpakatabang sa kapulisan gumikan sa pagpanghulga sa iyang kanhi uyab nga ipakatap sa social media ang ilang sex video.
Si Kumar nasikop sa gipahigayon nga entrapment operation sulod sa usa ka motel.
Sa nasayran gusto makig sex ang suspetsado sa iyang kanhi uyab apan nagdumili na kini.
Isip pagpanghulga sa gusto sa suspetsado nga ipakatap sa social media ang sex video nitunga ang biktima og didto napusasan ang langyaw. (Renante Lada, photo courtesy of MCPO, Station Two)