Wala nay kinabuhi nga niabot sa tambalanan ang usa ka Japanese National human naigo sa kaugalingon nga armas sulod sa firing range.
Pasado alas 4:00 sa niaging hapon, Marso 29,2023, didto sa usa ka firing range nga nahimutang sa Barangay Mabolo Siyudad sa Sugbo.
Ang biktima giila sa kapulisan sa Mabolo Police Station nga mao si Daigo Kokubo, 50 anyos ang panuigon, kasamtangan nga nagpuyo sa Barangay Kasambagan, Dakbayan sa Sugbo.
Sa pasiunang imbestigasyon sa kapulisan nasayran nga nagpabuto sa iyang armas sulod sa firing range ang biktima.
Paglabay sa pipila ka minuto nahagba nalang kini kay matod pa nag unay sa iyang kaugalingon nga armas punting sa iyang ulo.
Ang kapulisan magsusi pa karon kung wala bay foul play sa kamatayon sa langyaw. (Renante Lada)