Kapin kon kulang 2 mil ka mga residente sa Sibuco, Sirawai, Siocon ug Baliguian kon Triple SB ang nakapahimulos sa ikaduhang hugna sa relief goods nga gihatag sa Kagamhanang-Probinsyal nga gipatuman pinaagi sa Provincial Social Welfare and Development Office (PSWDO)ug Provincial Disaster Risk Reduction and Management Office (PDRRMO).
Matod pa ni Assistant Provincial Social Welfare and Development Officer, Mr. Alex Sabal, 500 ka mga food packs, tag-singko kilos nga commercial rice ug mga de-latang pagkaon ang nahatag sa mga residente sa Sibuco, 500 ka food packs sa Sirawai, 800 ka food packs sa Siocon ug 200 ka mga food packs sa lungsod sa Baliguian, ning lalawigan.
Alayon niini, nagpaabot sa ilang dakong pasalamat kang Gov. Jalosjos sila si Sibuco Mayor Joel Ventura ug Municipal Administrator Ruth Molina Ventura sa tabang nga gilugway sa Kagamhanang-Probinsyal pinaagi sa PSWDO sa mga residente sa Sibuco nga nabiktima sa pagbaha nga dala sa nasinatiang low pressure area sa lalawigan di pa lang dugay.
Susamang pasalamat usab ang gipalanog nila Sirawai Mayor Aljazar Janihim ug Siocon Mayor Cesar Soriano, sa gipanghanghatag nga relief goods para sa mga biktima sa kalamidad nga nagpakita ug kausaban sa pagpangalad diin kini nagtunol ug hinabang sa tanang mga nanginahanglan nga walay pagpihig o pagpili sa tawo nga angayng tabangan.
Alayon niini, nagpaabot sa ilang dakong pasalamat sa gobernador sila si Sibuco Mayor Joel Molina Ventura ug Municipal Administrator Ruth Molina Ventura sa tabang nga gilugway sa Kagamhanang-Probinsyal pinaagi sa PSWDO sa mga residente sa Sibuco.
(Source: Provincial Information Center Zanorte Facebook page)