Nakabsan sa kinabuhi ang usa ka 45-anyos nga lalaki human kini dunggaba sa kaugalingong maguwang sa ilang panimalay sa Sitio Cantisang, Brgy. Paril, Sugbo City, sa gabii sa Pebrero 9, 2025.
Ang biktima nailhan nga si Joeniffer Enfante Jopia, samtang ang suspek mao ang iyang maguwang nga si Narceso Enfante Jopia, 50-anyos, pulos sila nagpuyo sa maong lugar.
Sa imbestigasyon sa Talamban Police Station, nasayran nga giingong walay klarong hinungdan nga kalit lang nga gihansakan og kutsilyo ni Narceso ang iyang manghud.
Naigo sa ibabaw sa kasing-kasing ang biktima nga maoy hinungdan sa iyang hinanaling kamatayon.
Pasado alas 11:00 sa gabii sa mao ra nfa adlaw, nadakpan ang suspek ug kasamtangang nagpabilin sa detention cell sa Talamban Police Station samtang gihikay ang kasong ipasaka batok kaniya.
Padayon pang gilawom sa kapulisan ang imbestigasyon aron matino ang tinuod nga hinungdan sa insidente.
I via Renante Socia Lada