Usa ka lalaki nga gituohang hubog ang naangol human misalpok ang iyang gimanehong motorsiklo sa luyo sa usa ka wing van sa Cebu South Coastal Road (CSCR), duol sa eskina Rabaya, pasado alas 2 sa kadlawon.
Base sa pasiunang imbestigasyon sa kapulisan, gikan pa sa inom ang rider uban sa iyang mga higala sa Minglanilla ug pauli na unta sa Lapu-Lapu City sa dihang nahitabo ang aksidente.
Sumala sa drayber sa wing van, padulong sila sa amihanang bahin sa siyudad ug mihinay na tungod sa stop signal. Apan kalit lang kuno nga midasmag ang motorsiklo sa likod sa ilang sakyanan.
Ang naangol nga rider gidala sa Cebu South Medical Center aron matambalan. Nahinumdoman usab nga niaging semana, 16 ka tawo ang namatay sa usa ka disgrasya sa Talisay City, diin pipila sa mga nalambigit gikatahong nakainom usab og makahubog nga ilimnon.
Nagpahimangno ang kapulisan sa publiko nga likayan ang pagdrayb kon nakainom aron malikayan ang susamang trahedya.
📸 CT-TODA
I via Renante Socia Lada