CEBU: BATAN-ONG LGBT PATAY HUMAN MIBANGGA ANG GISAKYAN NGA MOTOR SA POSTE SA TALISAY

Patay ang usa ka batan-ong sakop sa LGBT nga angkas sa motorsiklo human mabangga ang ilang gisakyan sa usa ka konkretong poste sa Maghaway Road, Barangay Lawaan Uno, Talisay City, pasado alas 4:00 sa kadlawon kagahapon Hulyo 17, 2026.
Sumala sa pasiunang imbestigasyon, gikan sa taas nga bahin sa dalan ang motorsiklo ug nagpadulong paingon sa gawas sa Camella Homes. Pag-abot sa may gate, wala na makontrol sa drayber ang dagan sa motorsiklo hangtod nga mibangga kini sa konkretong poste.
Patay dayon ang usa sa mga angkas sa lugar sa aksidente. Ang usa pa ka back rider gidala sa tambalanan aron matambalan, samtang luwas ang drayber sa motorsiklo.
Ang drayber karon anaa na sa kustodiya sa Talisay Traffic Unit alang sa dugang imbestigasyon. Kini na ang ika-16 nga namatay tungod sa aksidente sa dalan sa Talisay City karong tuiga.
📸 CT-TODA
I via Renante Socia Lada