Gipasidunggan si Cebu Governor Gwendolyn “Gwen” Garcia isip “Outstanding Public Servant of the Year” sa RP-Mission and Development (RPMD) Foundation Inc. pinaagi sa ilang inisyatiba nga “Boses ng Bayan.”
Kini nga award gidawat ni Gov. Gwen sa usa ka simple nga seremonya sa iyang buhatan kagahapong adlawa Abril 24, 2025. Siya ang unang opisyal sa tibuok Pilipinas nga nakadawat sa maong pasidungog.
Sumala sa RPMD, si Gov. Gwen usa ka lider nga nagpakita sa tinud-anay nga serbisyo, panaghiusa, ug kalamboan. Ilang giila ang iyang paningkamot nga nahimong modelo ang Sugbo sa hapsay nga pagdumala ug pag-uswag sa kultura ug ekonomiya.
Giila usab sa RPMD ang kusog nga panaghiusa sa tanang opisyal sa lalawigan nga nasabwag ilawom sa liderato ni Garcia. Matod pa nila, dili kini tungod sa gahum, kondili sa pagsalig ug maayong performance sa gobernador.
Source: Cebu Provincial Capitol
I via Renante Socia Lada