Usa ka 16-anyos nga lalaki ang nalumos ug namatay human nadalin-as ug nahulog sa dagat sa Pantalan sa Barangay Poblacion, lungsod sa Sibonga, Cebu, niadtong Domingo, Abril 27, 2025.
Matod ni Police Captain Feb Abadilla Seares, Officer-in-Charge sa Sibonga Municipal Police Station, nahitabo ang insidente pasado alas 4:30 sa hapon. Ang biktima giilang si Vince Aaron Estorco, usa ka Grade 10 nga estudyante ug residente sa Purok 2, Barangay Papan, Sibonga.
Sumala sa imbestigasyon, naglakaw-lakaw si Estorco uban sa iyang 15-anyos nga amigo sa daplin sa pantalan, dihang kalit siyang nadalin-as ug nahulog sa lawom nga bahin sa dagat. Nasayran, nga dili siya kahibalo molangoy, hinungdan nga dali siyang nalumos.
Girespondihan dayon sa Sibonga Municipal Disaster Team ug Coast Guard ang insidente. Nadala pa sa Depareine Community Hospital ang biktima, apan gideklarar gihapon siyang dead-on-arrival.
Sa pagkakaron gihimo pa ang dugang imbestigasyon kalabot sa maong aksidente na mikutlo og kinabuhi.
I via Renante Socia Lada