29.5 C
Manila
Friday, March 29, 2024

Cebu: Governador Gwendolyn Garcia nagpagawas og executive order nga nag dili na sa pagtukod sa mga floating cottage sa lungsod sa Cordova

- Advertisement -

Cebu City – Wala nay mga bag-ong floating cottage ang gitugutan nga makatukod sa kadagatan sa lungsod sa Cordova.

Visit RPN DYKC Cebu

Kini human nagpagawas og Executive Order(EO)No. 19, si Gov. Gwendolyn Garcia nga nagdili sa pagtukod sa mga illegal nga floating cottage sa mga lugar sama sa mangrove zone, public beach zone, ug municipal fishing zone.

Ang E.O ni Garcia susama usab sa E.O No.1 ni Cordova Mayor Cesar Suan nga nag dili usab sa pagtukod sa bisan unsa nga cottage nga sakop sa easement zone sa maong lungsod. Mahinumduman nga gidagsa sa mga tourista ang maong lungsod gumikan sa kanindot sa ilang mga floating cottage.

Gipahimug-atan ni Garcia basi sa iyang EO ang mga nagkadaiyang problema nga naglambigit sa kalikupan o environment.

Dugang sa Governador nga nagkahiusa sila ni Mayor Suan aron ma reserve ang kadagatan sa maong lugar kay naka mugna kinig kadaot sa kadagatan labi na ang mga isda nga mangitlog.

Gibutyag ni Mayor Suan nga dili muminos 300 ka mga illegal cottages ang nag operate nga walay permit ug license gikan sa pangagamhanan sa lungsod sa Cordova.

Sa pagkakaron nagtinguha ang pangagamhan sa probinsya sa Sugbo nga mupaabot og financial assistance sa mga apektado sa maong E.O. (Jhon Tadlip)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -