Gipalig-on ni Cebu Governor Pamela Baricuatro ang seguridad sa mga pampubliko ug pribadong eskwelahan sa tibuok probinsya, human sa makalilisang nga pagpamusil sulod sa senior high school sa Zamboanga nga miresulta sa duha ka kamatayon.
Gimando sa gobernador ang PNP Provincial Director ug tanang Chiefs of Police nga maghimo og inspeksyon ug magpahugot sa seguridad sa mga eskwelahan.
Sumala sa gobernador, importante nga masiguro ang kaluwasan sa mga estudyante, magtutudlo ug personnel sa mga eskwelahan.
Samtang, gimando usab ni Provincial Director Col. Mangellen ang pagdeploy og mga pulis sa mga eskwelahan pinaagi sa one-police-to-school deployment scheme, nga ipatuman hangtod sa city ug municipal levels.
Tumong niini nga mapugngan ang posibleng hulga ug masiguro ang kalinaw ug seguridad sa mga estudyante samtang nag-eskwela.
I via Renante Socia Lada