Binigbig ti LGU Badoc, babaen ti Local Youth Development Office (LYDO) ken Sangguniang Kabataan (SK), dagiti naisangsangayan nga agtutubo a Badoqueños babaen ti Natan-ok nga Agtutubo Awards 2026 kas paset ti selebrasion ti Linggo ng Kabataan 2026. Iti tema, “Kabataang Natan-Ok: Nagkakaisa, Naglilingkod, at Nangunguna para sa mas Maunlad na Badoc,” intampok dagiti pammadayaw dagiti agtutubo nga indibidual a nangipakita iti kinalaing iti akademiko, panangidaulo, talento, panagbalbaliw, ken serbisio iti komunidad. Napadayawan pay Dagiti nagturpos iti kolehio a nakagun-od kadagiti pammadayaw iti Latin honors ket nakaawatda kadagiti cash incentives: Summa Cum Laude: ₱10,000 Magna Cum Laude: ₱5,000 Cum Laude: ₱3,000 Ti gannuat ket indauluan ti Gobierno Munisipal babaen kenni Mayor Virgilio Calajate, ken ti suporta ni Bise Mayor Glenn George G. Cajigal, ti Sangguniang Bayan Members, Local Youth Development Office ken Sangguniang Kabataan, kas paset ti agtultuloy a panagregget ti munisipyo a mangbigbig ken mangparegta iti nagapuanan ken pannakipaset dagiti agtutubo. By: Niña Tabilos