Gipahinumduman ni Cebu Gob.Pamela Baricuatro ang liboan ka batan-ong atleta nga sila ang paglaum ug kaugmaon sa Central Visayas atol sa pagbukas sa CVIRAA Meet 2026, kagahapon.
Sa iyang mensahe, giingon sa gobernador nga dili lang sila nagrepresentar sa ilang eskwelahan o probinsya, kundili sa tibuok rehiyon. Giawhag usab niya ang mga atleta nga magpabilin nga disiplinado, kugihan, ug adunay kasingkasing sa ilang kompetisyon.
Gipasabot ni Gob. Baricuatro nga kabalo siya sa kalisod nga giagian sa mga atleta, sama sa sayo nga ensayo ug kakapoy, apan giingon niya nga ang pag-abot pa lang sa maong kompetisyon usa na ka dakong kadaugan. Para kaniya, dili lang medalya ang importante, kundili ang disiplina, kaisog, ug maayong batasan.
Gipahibalo usab sa gobernador nga plano nila makigtambayayong sa Philippine Sports Commission aron makatukod og world-class nga sports arena sa Cebu. Giawhag niya ang mga atleta nga ihatag ang ilang best ug ampingan ang kasinatian, kay bisan modaog o mapildi, ang importante mao ang ilang paningkamot ug kasingkasing sa duwa.
Source: Cebu Province PIO
I via Renante Socia Lada