Gipalig-on sa Cebu City Government ang ilang pagbantay sa presyo sa mga palaliton ug supply aron maprotektahan ang mga konsumidor taliwala sa padayon nga pagsaka sa presyo sa merkado.
Gihimo kini human magtigom ang Cebu City Special Price Monitoring and Consumer Protection Body uban sa nagkadaiyang ahensya sa gobyerno ug lokal nga sektor, kagahapon Marso 23, 2026.
Tumong sa maong tigom nga masiguro nga adunay igo nga supply sa mga batakang baligya ug mapugngan ang dili patas nga pagsaka sa presyo.
Sumala sa mga opisyal, ilang gipaningkamotan ang mas hugot nga pagmonitor sa presyo, pagpagawas og regular nga price bulletin, ug pakigtambayayong sa mga supplier ug tindahan aron mapadayon ang husto nga presyo ug supply. Ilang giila usab ang kamahinungdanon sa balaod nga Price Act (RA 7581) nga nagmando og price freeze sa panahon sa kalamidad o emerhensya.
Lakip sa ilang mga plano mao ang pagtrabaho kauban ang mga negosyo ug suppliers, pagmonitor sa stock sa mga palaliton, ug pagpatuman sa mga lakang batok sa overpricing ug hoarding. Giisip usab ang paglusad og mga inisyatiba sama sa mas baratong palitanan aron matabangan ang mga konsumidor.
Gipasiugda ni Cebu City Mayor Nestor Archival nga padayon ang siyudad sa pagpanalipod sa katawhan pinaagi sa patas nga presyo ug igo nga supply. Giawhag usab ang publiko nga magmatngon ug moreport sa bisan unsang kaso sa sobra nga presyo aron mapadayon ang hapsay ug patas nga kahimtang sa merkado.
Source: Cebu City PIO
I via Renante Socia LadaG-ONON ANG PRICE MONITORING ARON MAPUGNGAN ANG ABUSO SA PRESYO SA MGA PALALITON
Gipalig-on sa Cebu City Government ang ilang pagbantay sa presyo sa mga palaliton ug supply aron maprotektahan ang mga konsumidor taliwala sa padayon nga pagsaka sa presyo sa merkado.
Gihimo kini human magtigom ang Cebu City Special Price Monitoring and Consumer Protection Body uban sa nagkadaiyang ahensya sa gobyerno ug lokal nga sektor, kagahapon Marso 23, 2026.
Tumong sa maong tigom nga masiguro nga adunay igo nga supply sa mga batakang baligya ug mapugngan ang dili patas nga pagsaka sa presyo.
Sumala sa mga opisyal, ilang gipaningkamotan ang mas hugot nga pagmonitor sa presyo, pagpagawas og regular nga price bulletin, ug pakigtambayayong sa mga supplier ug tindahan aron mapadayon ang husto nga presyo ug supply. Ilang giila usab ang kamahinungdanon sa balaod nga Price Act (RA 7581) nga nagmando og price freeze sa panahon sa kalamidad o emerhensya.
Lakip sa ilang mga plano mao ang pagtrabaho kauban ang mga negosyo ug suppliers, pagmonitor sa stock sa mga palaliton, ug pagpatuman sa mga lakang batok sa overpricing ug hoarding. Giisip usab ang paglusad og mga inisyatiba sama sa mas baratong palitanan aron matabangan ang mga konsumidor.
Gipasiugda ni Cebu City Mayor Nestor Archival nga padayon ang siyudad sa pagpanalipod sa katawhan pinaagi sa patas nga presyo ug igo nga supply. Giawhag usab ang publiko nga magmatngon ug moreport sa bisan unsang kaso sa sobra nga presyo aron mapadayon ang hapsay ug patas nga kahimtang sa merkado.
Source: Cebu City PIO
I via Renante Socia Lada