Kapin 90 ka nurse gikan sa mga ospital nga gipadagan sa Cebu Provincial Government ang nagtigom sa Cebu Provincial Capitol kagahapon Agosto 12 aron hisgutan ang mga problema ug paagi sa pagpaayo sa serbisyo panglawas sa probinsya.
Mitambong si Gov. Pamela Baricuatro ug Provincial Health Office Department Head Dr. Sheila Faciol. Gipasiugda sa gobernador nga importante dili lang ang maayong medical care, kondili usab ang pagtratar sa mga pasyente nga adunay respeto, pagsabot ug kalooy.
Gipahinumdom usab ni Baricuatro ang mga nurse nga magpahulay kung kapoy na ug mangayo og tabang kung dili na kaya ang sitwasyon aron malikayan ang burnout ug mapadayon ang luwas ug maayong pag-atiman sa mga pasyente.
Gihisgutan usab sa mga nurse ang ilang mga kabalaka sama sa referral system ug uban pang hagit sa paghatag og serbisyo. Matud ni Faciol, seryoso ang provincial government sa paghatag og kalidad nga healthcare sa mga Cebuanos ug giawhag ang mga healthcare worker nga padayon nga mapaayo ang ilang serbisyo ug pag-atiman sa mga pasyente.
📸 Cebu Province PIO
I via Renante Socia Lada
6 kol, lamat