Gipahigayon sa Cebu Provincial Government ang duha ka adlaw nga “Communicate Cebu: Information Officers Congress” aron mapalig-on ang abilidad sa mga information officer sa LGU sa paghatag og tukma ug klarong impormasyon sa publiko.
Miapil ang labing menos 40 ka LGU sa kalihokan nga nagtutok sa crisis communication, social media, digital content ug pagbatok sa misinformation o fake news.
Adunay mga training bahin sa crisis management, mobile journalism, videography, social media poster design, photojournalism ug visual storytelling.
Matud ni Provincial Administrator Atty. Ace Durano, importante nga mahibalo ang publiko sa mga programa ug lihok sa gobyerno aron mas masabtan ug ma-access nila ang mga serbisyo niini.
📸 Cebu Province PIO
I via Renante Socia Lada