Gideklarar nga “All Clear” ang Ayala Central Bloc sa IT Park, Cebu City human sa bomb threat kagahapon Hulyo 3.
Sa dihang nadawat sa kapulisan ang report alas 3:40 sa hapon, dali nilang gipahawa ang mga tawo sa mall aron masiguro ang ilang kaluwasan.
Nagtinabangay ang CCPO, Cebu City LGU, BFP, CDRRMO, EOD-K9, SWAT, Philippine Army ug mall security sa pag-inspeksyon sa tibuok lugar.
Human sa ilang pagsusi, wala silay nakitang bomba o bisan unsang delikadong butang. Busa, alas 7:49 sa gabii, gideklarar ni Cebu City Mayor Nestor Archival nga “All Clear” na ang sitwasyon ug gitugotan na usab ang normal nga operasyon sa mall.
Ang CCPO nag-awhag sa publiko nga magpabiling mabinantayon ug dayong motaho sa kapulisan kon adunay makita nga kadudahang tawo o butang aron malikayan ang posibleng peligro.
📸 CCPO
I via Renante Socia Lada