Cebu: Face-To-Face classes sa 13 ka mga tunghaan sa syudad sa Sugbo nga mo-abli na unta sa Marso, na uswag

Cebu City – Gi-imbita sa Emergency Operations Center (EOC) ang Department of Education (DepEd) ug USAid ReachHealth alang sa consultative meeting sa gi proposed nga face-to-face classes sa basic education.

Visit RPN DYKC Cebu

Gipahibaw ni EOC deputy chief implementer Joel Garganera nga ang maong tigom gitambongan ni Dr. Theron Aranas, DepEd representative kinsa mibutyag nga mi isyu sila ug Memorandum No. 71 s. 2021 nga nag latid sa Preparations for the Pilot Face-To-Face, Expansion and Transitioning to New Normal, nga magsilbing giya sa mga tunghaan sa ilang pag abli.

Gipadayag sab ni Ms. Dianne Laborte, representanti sa USAid ReachHealth ang ilang tinguha pag abag sa operations nonot sa pag balik sa face-to-face classes pinaagi sa pag provide ug mga magtutudlo ug facilitators.

Sa pagkakaron, dunay 13 ka mga tunghaan sa syudad ang maka bukas na unta karong buwan sa Marso pero na uswag kini gumikan sa Bagyong Odette.

Ang maong mga tunghan mao ang mosunod:

1. Sibugay Integrated School
2. Pamutan Integrated School
3. Mangabon Elementary School
4. Cantipla Integrated School
5. Tabunan Integrated School
6. Sinsin National High School
7. Deosis Elementary School
8. Lusaran National High School
9. Tagbao National High School
10. Taptap Integrated School
11. Sinsin Elementary School
12. Adlaon Integrated School
13. Bitlang Integrated School

Ning pagtugot na sa face-to-face classes ubos sa Alert Level 2, pahimangno sa EOC ang padayon nga pag-mabinantayon tungod kay ang naa pa gihapon ang COVID.

(News & photo courtesy of Emergency Operations Center – Cebu City)