Davao City – Arestado ang 6 ka indibdiwal human naaktohan nga nagpa derby ug damang sa Purok 21, Small Village, Barangay Mintal, Tugbok District, Davao City.
Giila ang dinakpan nga silas alyas “Jett”, 29 anyos, driver, alyas “Reny”, 34 anyos, laborer, alyas “Irvin”, 52 anyos, alyas “Ernie”, 46 anyos, laborer, alyas “Jun-Jun”, 40 anyos, vendor ug alyas “Giorrey”, 43 anyos, teller sa STL nga pulos mga residente sa Bankerohan, Davao City.
Nakuha sa posisyon sa mga dinakpan 3 ka improvised containers nga adunay 7 ka damang, 1,300 pesos nga kuwarta, bamboo stick ug improvised nga lamesa.
Sa karon, himas rehas ug mag-atubang sa kasong paglapas sa Presidential Decree 1602 o ang Prescribing Stiffer Penalties on Illegal Gambling. (Camille Santos Naraga)
(Source: DCPO)