Nag buy-od og naligo sa kaugalingong dugo ang usa ka ex-convict human gipusil sa wala matino nga suspetsado.
Ang krimin nahitabo pasado alas 7:00 kagabii, Disyembre 3O,2022, didto sa Sityo Malacorong,Barangay Usmad, Lungsod sa Argao, Probinsya sa Sugbo.
Giila ang biktima ni Police Major Andy Michael Roque, ang hepe sa Argao Police Station, ang biktima nga mao si Wilfredo Dayagonon, 29 anyos ang panuigon, residenti rapud sa maong lugar.
Segon ni Police Corporal Anthony Deiparine ang Desk Officer sa Argao Police Station nga ang biktima nag inusara ra sa kubo-kubo nga iyang gipuy-an sa dihang gipusil kini nga maoy hinungdan sa iyang kamatayon.
Dugang ni Deiparine nga si Dayagonon napriso kini niadtong tuig 2014 sa kasong pagpatay didto sa ilang lugar ug nakagawas kini sa nakalabay nga Septembre ning tuiga.
Si Police Corporal Ariel Conde ang imbestigador sa maong kaso mupaubos sa background check sa biktima kung aduna ba kini gikaaway ug ila usab susihon ang kanhi kaso niini nga pagpatay. (Renante Lada)