Malampusong gipahigayon ang Buntis Congress 2022 nga nagdala sa tema nga “Si Mommy sa New Normal READY”, Disyembre 29 ning tuiga nga gipasiugda sa kagamhanang lokal sa Dipolog pinaagi sa City Health Office (CHO).
Ang nasangpit nga kalihukan gitambongan sa mga nagsabak nga inahan gikan sa 21 ka mga barangay ning dakbayan uban usab ang mga Barangay Health Workers (BHW) niini.
Ang Buntis Congress, usa ka kalihukan nga mag-edukar sa mga mabdos mahitungod na sa maternal health ug safe motherhood aron ma panalipdan ang kinabuhi nga anaa sa ilang sabakan diin ang mga lectures ang gipahigayon nila ni Dr. Ponchiel Cabrera ug Beejee L. Garcia, RN.
Samtang si konsehal Marilou Y. Calibo kinsa maoy representante ni Mayor Darel Dexter T. Uy, ang mihatag sa iyang inspirational message diin gidasig niini ang mga mabdos nga kanunay ampingan ang ilang kaugalingon ug dili malimot sa pagsampit sa Labaw’ng Makagagahum.
Lakip sa gipahigayon atol ning maong kalihukan mao ang indigay sa “Gandang Buntis 2022” ug “Buntis Got Talent”.
(Source: Dipolog City Government Facebook page)