Nagpagawas ang Land Transportation Office o LTO-7 og Show Cause Order (SCO) batok kang Dumanjug Mayor Efren “Gungun” Gica human siya malambigit sa disgrasya sa dalan sa Barangay Pakigne, Minglanilla niadtong Hulyo 19, 2026.
Sumala sa LTO-7, base sa ilang inisyal nga imbestigasyon ug sa dashcam video nga mikatap sa social media, posibleng mag-atubang ang mayor og administratibong kaso lakip ang reckless driving, pagmaneho og sakyanan nga walay plaka, ug pagtugot sa dili angay nga tawo sa pag-operate sa sakyanan.
Samtang nagpadayon pa ang imbestigasyon, gipailalom sa LTO-7 og 90 ka adlaw nga preventive suspension ang driver’s license ni Mayor Gica aron dili una siya makapadayon sa pagmaneho hangtod mahuman ang kaso.
Gimando usab sa LTO-7 nga isurender sa mayor ang iyang orihinal nga driver’s license ug motunga sa Operations Division sulod sa lima ka adlaw aron makahatag og gipanumpaang written explanation kabahin sa nahitabo.
I via Renante Socia Lada