Naligo sa kaugalingon dugo ang usa ka inahan human giunay pagdunggab sa mismong anak. Didto kini sa Sitio Mahayahay, Barangay Sonog, San Francisco, Camotes Island, alas 10:45 sa kaganihang buntag, Hulyo 21, 2026.
Ang biktima giila lang sa ngalang “Melody,” usa ka minyo ug Barangay Utility Worker (BUW). Ang giingong suspek mao ang iyang 29-anyos nga anak nga nagpuyo usab sa maong barangay.
Sa inisyal nga imbestigasyon sa San Francisco Municipal Police Station, nasayran sa kapulisan nga nasuko kuno ang suspek human makahibalo nga nangayo og tabang ang iyang inahan sa Rural Health Unit bahin sa iyang kahimtang sa pangisip.
Ang mga silingan usab sa biktima mibutyag nga nagumon sa ginadiling drugas ang suspetsado.
Giingong migamit siya og kutsilyo sa kusina ug gigukod ang iyang inahan sa wala pa kini gidunggab sa makadaghang higayon.
Human sa gilusad nga hot pursuit operation, nadakpan sa mga pulis ang suspek sa Sitio Pagnahian, Barangay Sonog. Nag-andam na ang kapulisan sa angayng kasong kriminal batok kaniya samtang nagpadayon ang imbestigasyon sa insidente.
I via Renante Socia Lada