Giila ang duha ka mga pulis sa Police Regional Office 7 (PRO7) pinaagi sa pag-ila kanila sa PNP Medal of Merit (Medalya ng Kagalingan) tungod sa ilang kaisug ug dedikasyon sa katungdanan, bisan pa sa kadaot nga ilang nasinati sa bulag nga mga operasyon sa kapulisan.
Ang unang insidente nahitabo niadtong Hulyo 16, 2025 sa Barangay Suba, Cebu City, atol sa follow-up operation nga may kalabotan sa pagpamusil nga nahitabo alas 4:15 sa kadlawon sa miaging adlaw, diin ang duha ka suspetsado wala pa mailhi.
Pinaagi sa padayon nga hot pursuit ug intel gathering, usa sa mga suspetsado ang namatikdan sa maong lugar. Mihimo dayon sa operasyon ang mga sakop sa Police Station 6, lakip si Patrolman Rembrandt B. Sabandeja. Apan kalit nga mipabuto og armas ang suspetsado ug naigo sa lawas ni Pat. Sabandeja bisan pa nga nagsul-ob siya og body armor.
Mibalos dayon sa pagpusil ang mga pulis ug napusilan ang suspetsado nga namatay bisan pa sa medikal nga paningkamot. Gidala si Pat Sabandeja sa Cebu City Medical Center ug dayon gibalhin sa RMDU 7 alang sa dugang pag-ayo.
Sa laing insidente sa Barangay Cambayog, Compostela, Cebu, niadtong Hulyo 17, nasamdan usab si PSSg Neil Talle atol sa ilang pagresponde sa reklamo sa usa ka babaye nga biktima sa balay. Kauban niya si PSMS Junrey Frias sa maong operasyon.
Sa ilang pag-abot, nasugat nila ang suspetsado nga nagpakita og bayolenteng lihok, sa miresulta sa pagsukol Apan bisan pa niini, ilang na-neutralize ang suspetsado pinaagi sa hustong pwersa.
Gidayeg ni PBGEN Redrico A. Maranan, Regional Director sa PRO7, ang duha ka awardees. Matod pa, ang ilang kaisug ug panalipod sa katawhan bisan pa sa kakuyaw angay hatagan sa labing taas nga pasidungog. Sila maoy buhing ehemplo sa kaisug ug serbisyo sa kapulisan.
Ang Medalya ng Kagalingan ilhanan sa ilang kabayanihan ug walay pagduhaduha nga pagserbisyo alang sa katawhan. Padayon silang gisuportahan sa PRO-7 samtang nag-ayo pa sa ilang kahimtang.
Source: PRO7
I via Renante Socia Lada