Nadakpan sa kapulisan ang duha ka indibidwal nga apil sa most wanted list sa Region 7 sa duha ka lahi nga operasyon niadtong Agosto 27, 2025.
Sa alas 11 sa buntag, gipusasan sa Tagbilaran City Police Station uban sa mga kauban nilang intel ug mobile force ang usa ka 27-anyos nga laki nga lumulopyo sa Getafe, Bohol.
Duha ka warrant of arrest ang giisyu batok niya – Theft case gikan sa korte sa Valenzuela ug Murder case gikan sa korte sa Tagbilaran. Walay piyansa ang kaso sa pagpatay, ug karon gitanggong ang suspetsado sa Tagbilaran Police Station samtang nagpaabot sa paghukom.
Sa laing bahin, alas 10:13 sa gabii, nadakpan usab sa Criminal Investigation and Detection Group (CIDG) Cebu Field Unit ug Dalaguete Police ang usa ka 17-anyos nga batan-on sa Sitio Candicay, Barangay Dumalan, Dalaguete, Cebu. Anaa kiniy warrant of arrest alang sa kaso sa Statutory Rape gikan sa korte sa Argao, Cebu.
Gidayeg ni PRO7 Regional Director PBGen Redrico Maranan ang paspas nga aksyon sa mga operatiba ug giingon nga klaro kining ebidensya nga walay makatago sa balaod.
Padayon ang PRO7 sa pagpalig-on sa kampanya batok mga wanted persons ug lain-laing porma sa kriminalidad aron mapanalipdan ang kalinaw sa rehiyon.
Source: PRO7- PIO
I via Renante Socia Lada