Usa ka 18-anyos nga rider ang namatay human naaksidente sa South Road Properties (SRP) Northbound lane atubangan sa NuStar Hotel pasado alas 6:20 sa buntag, Hunyo 21, 2026.
Ang biktima giila nga si Yuri Benjamin Tatoy Gabut, 18 anyos, ulitawo ug residente sa Barangay Tabunok, Talisay City, Cebu. Naga-drive kini og Yamaha Aerox nga motorsiklo nga adunay plakang G5F438.
Base sa inisyal nga imbestigasyon ug pamahayag sa mga nakasaksi, ang rider mi-U-turn sa area sa IL Corso ug mipadayon paingon sa Northbound lane sa SRP. Apan pag-abot sa kurbadang bahin sa dalan, nawad-an kini og kontrol sa iyang motorsiklo nga misangpot sa pagkalagpot ug grabeng pagkahagsa.
Tungod sa kusog nga impact, gi-deklarar nga dead on arrival sa lugar sa insidente. Dali nga gidala ang iyang patay nga lawas sa St. Francis Funeral Homes alang sa nag-unang buhaton nga proseso.
Padayon pa ang imbestigasyon sa Traffic Enforcement Unit (TEU) aron hingpit nga matino ang tinuod nga hinungdan sa maong trahedya.
I via Renante Socia Lada