Usa ka 43 anyos nga tricycle driver ang namatay human gipusil sa Asturias, Cebu. Ang insidente nahitabo alas 8:50 sa gabii niadtong Pebrero 20, 2026 sa Sitio Buswang, Barangay Bago.
Ang biktima giila sa Asturias MPS nga si Ruben Sergio, minyo ug residente sa Sitio Magdagook, Barangay Santa Rita, sa maong lungsod. Nagmaneho kini sa iyang tricycle sa dihang kalit siyang gipusil sa wala pa mailhing mamumuno.
Ang Asturias Municipal Police Station nakadawat sa maong taho gikan sa tawag sa usa ka concerned citizen nga nagpahibalo sa pagpamusil sa lugar.
Girespondihan dayon sa mga pulis ug ang Asturias Emergency Response Team. Gidala pa sa ospital ang biktima apan gideklarar siyang dead on arrival sa mga doktor.
Sa pagkakaron, wala pa mailhi ang suspek. Nagpadayon ang imbestigasyon ug follow-up operation sa kapulisan aron mahibaw-an ang motibo sa krimen ug madakpan ang responsable niini.
I via Renante Socia Lada