Na-aksidente ang usa ka garbage truck gikan sa Barangay San Nicolas Proper, Cebu City pasado alas 5:00 sa buntag niadtong Pebrero 21, 2026 sa Barangay Polog, Consolacion.
Padulong unta ang maong trak sa Asian landfill site aron maglabay og mga basura sa dihang kalit kining giingong nawad-an og brake samtang nagdagan.
Tungod sa pagkawala sa brake, nawad-an og kontrol ang drayber ug mibangga ang trak sa usa ka balay ug usa ka motorsiklo nga naa sa daplin sa dalan.
Usa ka poste sa kuryente ang nakapugong sa trak aron dili na kini makadasmag sa ubang mga balay sa lugar, nga nakalikay sa mas grabe pang kadaot.
Usa sa mga trabahante sa garbage truck ang nakasinati og samad apan wala naospital. Wala nay laing nasamdan, samtang padayon ang imbestigasyon sa mga otoridad sa maong insidente.
📸 Contributed
I via Renante Socia Lada
Renante