Nakabsan sa kinabuhi ang duha ka babaye human naaksidente ug nalatayan sa usa ka prime mover truck pasado alas 6:00 sa gabii sa Sabado, Pebrero 21, 2026. Ang insidente nahitabo sa national highway sa Barangay Panalipan, Lungsod sa Catmon, sa amihanang bahin sa Sugbo.
Giila sa Catmon MPS ang usa sa mga biktima nga si Jerlyn Colongon, 33 anyos, residente sa Barangay Guinsay, Dakbayan sa Danao. Samtang angkas usab niya ang laing hingkod nga babaye.
Ang drayber sa prime mover giila nga si Mark Absalon, hingkod ang edad, ug residente sa Infanta Velasquez Street, Balut, Tondo, Manila.
Base sa inisyal nga imbestigasyon sa Catmon Police Station, misulay og overtake ang prime mover sa motorsiklo samtang adunay gikasugat nga laing sakyanan sa pikas linya, sa kaapiki naigo ug nalatayan ang mga biktima.
Tungod sa grabeng impact sa aksidente, namatay dayon ang duha ka sakay sa motorsiklo. Nagpadayon pa ang imbestigasyon sa kapulisan aron mahibaw-an ang ubang detalye ug tukmang hinungdan sa insidente.
📸 CTTO
I via Renante Socia Lada