Personal nga nag-inspeksyon si Department of Public Works and Highways (DPWH) Secretary Vince Dizon sa pipila ka bahaonon nga lugar sa Mandaue City kagahapon Agosto 11, 2026.
Kauban niya sa pagtan-aw sa mga lugar sila Mandaue City Mayor Jonkie Ouano, Congresswoman Emmarie Ouano-Dizon ug Cebu Governor Pamela Baricuatro. Gisusi nila ang mga problema sa pagbaha ug ang posibleng solusyon aron mamenosan ang epekto niini sa mga residente.
Lakip sa gi-inspeksyon ang A.S. Fortuna Street, Orel Creek sa Barangay Banilad ug A.C. Cortes Avenue. Gihisgutan usab ang planong flood gate ug pumping station sa A.C. Cortes aron malikayan ang pagbalik sa tubig ug mamenosan ang pagbaha.
Gipasalig ni Dizon nga hatagan og prayoridad ang mga proyekto batok sa pagbaha sa Mandaue ug ubang lugar sa Cebu. Nagpasalamat usab si Mayor Jonkie sa national government sa pagtagad sa dugay nang problema sa pagbaha ug sa pakigtambayayong niini sa lokal nga kagamhanan.
I via Renante Socia Lada