Gidayeg sa Bureau of Fire Protection (BFP) Region 7 ang Cebu City Government tungod sa mga paningkamot niini sa pagpalig-on sa fire safety ug emergency response.
Gihatag ang pag-ila atol sa ika-35 nga anibersaryo sa BFP Region 7 kagahapon Agosto 11, 2026, sa Golden Peak Hotel and Suites sa Cebu City.
Giila ang siyudad tungod sa padayong suporta sa mga programa sa paglikay sa sunog ug sa pakigtambayayong sa BFP aron mapalig-on ang kaluwasan sa mga residente.
Gidawat ang award alang sa Cebu City Government sa usa ka representante, samtang naapil usab si Mayor Nestor D. Archival Sr. sa mga awardee gikan sa Cebu Province.
I via Renante Socia Lada