Midepensa ang Department of Public Works and Highways (DPWH) Region 7 nga tanang flood control projects sa Central Visayas, ilabina sa Sugbo, adunay klaro nga lokasyon ug natuman subay sa plano.
Sumala ni DPWH-7 Director Danilo Villa, gilakip sa ilang giinspeksyon ang kapin 600 ka proyekto nga naglangkob sa drainage systems, seawalls, culverts, ug river protection works nga natukod gikan 2022 hangtod 2025.
Apil niini ang mga proyekto sa Negros Oriental, nga kaniadto sakop pa sa DPWH-7 sa wala pa maporma ang Negros Island Region niadtong 2024.
“Tanang proyekto naa gyud sa aktuwal nga lokasyon ug nasuta nga nagtindog. Wala’y ghost projects sa rehiyon,” matud pa ni Villa atol sa klaripikasyon.
Gipadayag kini aron ipakita sa publiko ang transparency ug kalig-on sa implementasyon sa DPWH-7 taliwala sa mga isyu sa “ghost projects” nga mitungha sa ubang bahin sa nasud.
I via Renante Socia Lada