Pasiugdahan sa Philippine Pediatric Society–Central Visayas Chapter, sa pakigtambayayong sa Department of Health (DOH)-Region 7, ang usa ka kalihokan sa pagpasiugda sa breastfeeding nga gitawag og “Kaabay” karong Agosto 8, alas 8 sa buntag, sa Atrium D, SM City Cebu.
Ang maong kalihokan kabahin sa pagsaulog sa National Breastfeeding Awareness Month ug nagtumong sa pagdasig, pagsuporta, ug paghatag og kahibalo sa mga inahan nga nagpasuso, ilang pamilya, ug sa komunidad.
Pinaagi sa maong programa, masabtan sa mga partisipante ang mga benepisyo sa breastfeeding alang sa kahimsog sa inahan ug sa bata, ingon man ang hustong paagi sa pagpasuso ug pag-atiman sa masuso.
Giawhag ang mga interesadong moapil nga magparehistro pinaagi sa pag-scan sa QR code nga gipagawas sa mga tigpasiugda aron makaapil sa maong kalihokan sa pagpasiugda sa breastfeeding.
I via Renante Socia Lada